De Lusbel trinfadore
cun immortale vittoria,
oe olat a sa gloria
su Divinu Redentore.
Alzat su Verbu Incarnadu,
alzat s’Infante naschidu,
cun gloriosu istallidu
alzat su Circuncisadu,
alzat su Re adoradu
de sos Magos cun fervore.
Alzat su Sentenziadu,
dae Pilatu inumanu,
dae su Giudeu tiranu
alzat su Crucificadu,
alzat su Resuscitadu,
de sa morte Binchidore.
Alzat su Sole divinu
chimbe rajos dispidende,
sos astros oscurescende
cun candore peregrinu,
a su celeste giardinu
alzat su menzus Fiore.
Alzat sa Onnipotenzia
in duna nue brillante,
alzat su Divinu Amante,
alzat sa summa Clemenzia
alzat sa Divina Essenzia
cun celestiale candore.
Alzat, galanu e pomposu,
cun sonora sinfonia,
cun cuncerta melodia
pro dare a su chelu gosu,
ue tenet su reposu
de su barbaru furore.
S’angelica gerarchia
de inflammados Serafinos,
de Tronos e Cherubinos
l’accumpagnat a porfia,
cantande cun armonia
innos, rimas a primore.
Sos sagrados Potentados
cun sas Dominaziones,
li cantan milli cantones
sos alados Principados,
cun versos multiplicados
dant laudes a su Criadore.
Arcanzelos venturosos,
sas Virtudes soberanas
cantan laudes ufanas,
sos Anghelos gloriosos
dant onores preziosos
a su Monarca mazzore.
Cortesanos deliziosos
de sas aulas cristallinas,
sas portas diamantinas
aperide generosos,
incontrande premurosos
pro ch’intrat su Criadore.
Intrat su Fizu ‘e Maria,
intrat bellu e rubicundu,
intrat galanu e giucundu
a sa santa Monarchia,
distruinde s’armeria
de s’infernale rigore.
Fattant festa signalada
su sole, luna e istallas,
sos astros cun lughes bellas,
cun simpatia sagrada,
restat sa terra esaltada
e salvu su peccadore.
|
Su Lucifero
Trionfatore
con immortale vittoria,
oggi ascende alla
gloria
il Divino Redentore.
Ascende il Verbo
Incarnato,
ascende l’Infante
nato,
con gloriosa esultanza
ascende il Circonciso,
ascende il Re adorato
dai Magi con fervore.
Ascende il Sentenziato
da Pilato inumano,
ascende il Crocifisso
dal Giudeo oppressore,
ascende il Risuscitato
della morte Vincitore.
Ascende il Sole
divino,
cinque raggi mandando,
gli astri oscurando
con candore peregrino,
al celeste giardino
ascende il migliore dei
fiori.
Ascende l’Onnipotenza
in una nube brillante,
ascende il Divino Amante,
ascende la Somma Clemenza,
ascende la Divina Essenza
con celestiale risplendere.
Ascende bello e
glorioso,
con sonora sinfonia,
con armonica melodia,
per dare al cielo la
gioia,
là dove avrà riposo
dal barbaro furore.
L’angelica gerarchia
degl’infiammati
Serafini,
dei Troni e Cherubini,
gli fan folta
compagnia,
cantando con armonia
inni e rime di sommo
valore.
Le sacre Potestà
assieme alle
Dominazioni
gli cantan mille
canzoni,
gli alati Principati
con versi moltiplicati
danno lode al
Creatore.
Gli Arcangeli beati
e le Virtù sovrane
cantano inni graziosi,
gli Angeli gloriosi
rendono onori preziosi
al Monarca maggiore.
Cortigiani deliziosi
delle aule
cristalline,
le porte adamantine
aprite, generosi,
uscitegli incontro
premurosi
perché entra il
Creatore
Entra il Figlio di
Maria,
entra bello e
rubicondo,
entra grazioso e
giocondo,
nella santa Monarchia,
distruggendo l’arsenale
dell’infernale rigore.
Faccian festa
segnalata
il sole, la lune e le
stelle,
gli astri con le lucci
belle
e con sacra simpatia,
sta la terra esaltata
e salvo e il peccatore.
|
(Giovanni
Dore, Gosos e ternuras, vol. I,
Nuoro, 1983, pp. 322-323, Traduzione letterale a cura di Giuliano Zoroddu)
